Namangan viloyatida Respublika fan olimpiadasi g‘oliblari taqdirlandi.
Respublika fan olimpiadasida g‘olib bo‘lgan 10 nafar o‘quvchiga O‘zbekiston – Koreya xalqaro universitetida grant asosida o‘qish uchun 12800 AQSh dollari qiymatidagi vaucherlar topshirildi Namanganda fizika, informatika va tarix fanlari bo‘yicha fan olimpiadasining respublika bosqichi g‘oliblari taqdirlandi. 22-23 may kunlari bo‘lib o‘tgan fan olimpiadasining respublika bosqichiga Namangan viloyati mezbonlik qildi. Bellashuvlarda viloyat bosqichlarida g‘oliblikni qo‘lga kiritgan 111 nafar ishtirokchi 2 bosqichda o‘z bilimini sinovdan o‘tkazdi. Musobaqa natijasiga ko‘ra, fizika fanidan 5 nafar, informatika fanidan 5 nafar o‘quvchiga O‘zbekiston – Koreya xalqaro universitetida 4 yillik grant asosida o‘qish imtiyozini beruvchi 12800 AQSh dollari qiymatidagi vaucher va sertifikatlar topshirildi. Shuningdek g‘oliblar diplom va qimmatbaho sovg‘alar bilan taqdirlandi.
