21-Umumrossiya dasturlash olimpiadasi
2020 yil 15 noyabr kuni onlayn o'tkazilgan 21-Umumrossiya dasturlash olimpiadasi 1-saralash bosqichida respublikamizning turli hududlaridan iqtidorli o'quvchilar ishtirok etdilar. Ushbu saralashda 3 nafar 9-10-11-sinf o’quvchilaridan iborat jamoalar ishtirok etdi. Saralashda 12 ta masala berilib, ularning yechimi uchun 5 soat vaqt ajratildi. Mazkur olimpiadaning saralash bosqichida 13 davlatdan jami 655ta jamoa ishtirok etdi. Respublikamizning barcha hududlaridan 136ta jamoa ushbu olimpiadada o’z bilimini sinab ko’rdi. 21-Umumrossiya dasturlash olimpiadasining final bosqichiga yo‘llanma oladigan jamoalar xalqaro hakamlar qaroridan soʼng, dekabr oyida eʼlon qilinadi.
Mamlakatimiz o'quvchilaridan eng yuqori natijaga erishgan jamoalar - Аniq fanlarga ixtisoslashtirilgan davlat umumta'lim maktabi (130-o‘rin), Namangan Prezident maktabi (134-o‘rin) va Toshkentdagi al-Xorazmiy nomidagi ixtisoslashtirilgan maktab (186-o‘rin) o‘quvchilari egalladilar.
