Nufuzli xalqaro olimpiadalarga saralashning I bosqichi natijalariga ko‘ra matematika, fizika, kimyo, biologiya hamda informatika va axborot texnologiyalari fanlaridan jami 130 nafar eng iqtidorli o‘quvchilar saralab olindi va bu o‘quvchilar bugungi saralash olimpiadasining II bosqichida ishtirok etmoqdalar.

Vazirlar Mahkamasining 2021-yil 9-sentabrdagi 562-sonli qarorida belgilab qo‘yilgan Mintaqaviy xalqaro olimpiadalarda ishtirok etib, g‘oliblikni qo‘lga kiritgan ishtirokchilar ham nufuzli xalqaro olimpiadalarga saralash bosqichlarida ishtirok etish huquqiga ega bo‘ladilar.  Joriy yil 1-10 fevral kunlari tashkil qilingan 19-Xalqaro Jautikov olimpiadasida 5 ta kumush va 8 ta bronza medallarini qo‘lga kiritgan yoshlarimiz orasidan 2 nafari II saralash bosqichida ishtirok etish huquqi taqdim qilindi (qolgan 11 nafar medallarga sazovor g‘oliblar I bosqich natijasiga ko‘ra II bosqichga tavsiya etilgan).
Ushbu hukumat qarori xalqaro olimpiadalarga yoshlarimizni shaffof va adolatli saralash imkoniyatini yaratibgina qolmasdan, iqtidorli o‘quvchilarimizni doimiy tarzda o‘z ustida ishlashga va terma jamoa a'zosi sifatida xalqaro olimpiadalarda ishtirok etish imkonini ham bermoqda. 

Saralash bosqichi xalqaro olimpiadalar(IMO, IPHO, ICHO, IBO, IOI) metodologiyasi asosida tashkil qilinmmoqda:

✅Matematika fanidan – saralash olimpiadasida ishtirokchilarga 2 kun davomida yozma ish uchun 3 tadan masala berilib, har bir masala 7 ball bilan hamda barcha masalalar umumiy 42 ball bilan baholanadi. Masalalarni yechish uchun ishtirokchilarga har kuni 4,5 soatdan vaqt beriladi;

✅Fizika fanidan – saralash olimpiadasi 2 kun davomida o‘tkaziladi. Birinchi kun ishtirokchilarga yozma ish uchun 3 ta topshiriq berilib, barcha topshiriqlar 10 balldan, umumiy 30 ball bilan baholanadi. Topshiriqlarni bajarish uchun 4 soat vaqt beriladi. Ikkinchi kun esa ishtirokchilarga amaliy ish topshirig‘i beriladi, 20 ball bilan baholanadi, 3 soat vaqt ajratiladi.

✅Kimyo fanidan – saralash olimpiadasi 2 kun davomida o‘tkaziladi. Birinchi kun ishtirokchilarga yozma ish uchun turli qiyinlik darajasidagi 5 ta topshiriq berilib (topshiriqlarning qanday baholanishi hakamlar hay’ati tomonidan belgilanadi), barcha topshiriqlar umumiy 75 ball bilan baholanadi. Topshiriqlarni bajarish uchun 4 soat vaqt beriladi. Ikkinchi kun esa ishtirokchilarga amaliy ish topshirig‘i beriladi, 25 ball bilan baholanadi, 3 soat vaqt ajratiladi.

✅Biologiya fanidan – saralash olimpiadasi 2 kun davomida o‘tkaziladi. Birinchi kun ishtirokchilarga yozma ish uchun 5 ta topshiriq beriladi (topshiriqlarning qanday baholanishi hakamlar hay’ati tomonidan belgilanadi), barcha topshiriqlar umumiy 50 ball bilan baholanadi. Topshiriqlarni bajarish uchun 4 soat vaqt beriladi. Ikkinchi kun esa ishtirokchilarga nazariy test topshirig‘i beriladi, test topshiriqlari umumiy 50 ball bilan baholanadi, 3 soat vaqt ajratiladi;

✅Informatika va axborot texnologiyalari fanidan - saralash olimpiadasi 2 kun davomida onlayn tizimda tashkil qilinadi hamda ishtirokchilarga har kuni turli qiyinlik darajasidagi 5 tadan masala berilib, topshiriqlarning qanday baholanishi hakamlar hay’ati tomonidan belgilanadi. To‘liq ishlangan va axborot tizimida avtomatik tarzda qabul qilingan barcha masalalar umumiy 200 ball bilan baholanadi. Topshiriqlarni bajarish uchun ishtirokchilarga har kuni 4 soatdan vaqt beriladi. Bir xil ball to‘plagan ishtirokchilarning reytingi jarima vaqtini hisobga olish orqali onlayn tizimda avtomatik tarzda aniqlanadi. Ishtirokchilar masalalarni bajarish uchun dastur kodlarini faqat C++ dasturlash tilida yozishlari talab etiladi.

Informatika va axborot texnologiyalari fanidan nufuzli xalqaro opimpiadalarga saralashning ikkinchi bosqichi natijalarini quyidagi havola orqali onlayn kuzatib borishingiz mumkin. 

Bu yerda ishtirokchilar tomonidan to'planayotgan ballar onlayn jadvalda shakllanib boradi.

https://robocontest.uz/olympiads/360/public-results.

🌐 👉 olympiad.uzedu.uz 
📲👉@olimpdep