✅ Xalq ta’limi vazirligi va Xorijiy tillarni o‘rganishni ommalashtirish agentligi tomonidan tanlovning ikkinchi (viloyat) bosqichi joriy yilning aprel oyida o‘tkazilishi belgilandi.
Tanlovning birinchi tuman (shahar) bosqichida 1-o‘rinni qo‘lga kiritgan 207 ta maktab mazkur bosqichda ishtirok etadi.
✅ Maktab terma jamoasining xorijiy tillarni bilish bo‘yicha natijalari 100 ballik tizim bo‘yicha baholash orqali amalga oshiriladi. Jumladan:
🔸tinglab tushunish (listening) — 25 ball;
🔸yozish (writing) — 25 ball;
🔸o‘qish (reading) — 25 ball;
🔸leksik-grammatik ko‘nikmalar — 25 ballarga taqsimlanadi.
✅ Xorijiy til (ingliz, nemis, fransuz tillari) bilish darajasini aniqlashga qaratilgan topshiriqlar umumta’lim maktablarining 7-9 sinf o‘quvchilari uchun mo‘ljallangan bo‘lib, o‘qish (reading), tinglab tushunish (listening) ko‘nikmalari hamda leksik-grammatik bilimlarini baholash uchun 12 tadan qiyinchilik darajasiga ko‘ra tasniflanadigan “A”,“B”,“C” bo‘limlardan tashkil topgan jami 36 ta test va topshiriqlardan hamda yozish (writing) ko‘nikmasini baholash uchun 1 ta topshiriqdan iborat bo‘ladi. 

✅ Topshiriqlar Xorijiy tillarni o‘rganishni ommalashtirish agentligi tomonidan xalqaro ekspertlarni jalb qilgan holda tuziladi.

✅ Viloyat bosqichida 1-o‘rinni qo‘lga kiritgan maktab jamoasi tanlovning keyingi respublika bosqichida ishtirok etish huquqini qo‘lga kiritadi.

❗️Eslatib o‘tamiz, mazkur tanlovning 🔰tuman (shahar) bosqichi g‘oliblari 1-o‘rin uchun – 100 million so‘m, 2-o‘rin uchun – 75 million so‘m, 3-o‘rin uchun – 50 million so‘m miqdorida;

🔰Qoraqalpog‘iston Respublikasi, viloyatlar va Toshkent shahar (viloyat) bosqichi g‘oliblari 1-o‘rin uchun – 250 million so‘m, 2-o‘rin uchun – 200 million so‘m, 3-o‘rin uchun – 150 million so‘m miqdorida;

🔰respublika bosqichi g‘oliblari 1-o‘rin uchun – 500 million so‘m, 2-o‘rin uchun – 400 million so‘m, 3-o‘rin o‘rin uchun – 300 million so‘m miqdorida mukofotlanadi.

🌐 👉 olympiad.uzedu.uz  oo.uzedu.uz
📲 👉@olimpdep