OʻZBEKISTONLIK MAKTAB OʻQUVCHILARI MALAYZIYADA OʻTKAZILGAN MATEMATIKA VA TABIIY FANLAR BOʻYICHA XALQARO OLIMPIADA GʻOLIBI BOʻLDI
2019-yilning 26-29-iyul kunlari Malayziyada nufuzli Matematika va tabiiy fanlar boʻyicha xalqaro olimpiada oʻtkazildi. Unda Oʻzbekiston umumtaʼlim maktablaridan 13 nafar oʻquvchi ishtirok etdi. Olimpiadaning maqsadi “STEAM” (Science, Technology, Engineering, Arts and Mathematics) yoʻnalishidagi taʼlim standartlari hamda oʻquv dasturlarini nafaqat axborotni eslab qolish va xotirlash, balki ijodkorlik, mustaqil qidirish, tahlil qilish qobiliyatlarini rivojlantirishga eʼtibor bergan holda ilgari surish hisoblanadi. Ishtirokchilar final bosqichiga rebus va matematik masalalarni yechish yoʻli bilan tanlab olindi. Mazkur bosqichda yosh toifalari boʻyicha gʻoliblar aniqlandi. Olimpiada yakunida yosh vatandoshlarimiz 20 ta davlatdan kelgan 1100 dan ortiq oʻquvchilar orasida 5 ta oltin, 2 ta kumush va 12 ta bronza medallarini qoʻlga kiritdi. Tadbir tashkilotchilari yurtimiz maktab oʻquvchilarining tayyorgarlik darajasini, ularning gʻalabaga boʻlgan ishtiyoqini hamda matematika va tabiiy fanlar boʻyicha bilim darajasini yuqori baholadi. Oʻzbekistonda umumtaʼlim maktablari oʻquvchilarida shaxsni har tomonlama rivojlantirish uchun barcha sharoitlar mavjudligi alohida eʼtirof etildi. Mamlakatimiz jamoasining mazkur tadbirda yuqori natijalarni qoʻlga kiritgani bunga yaqqol misol boʻla oldi. Malayziyada oʻtkazilgan olimpiadada gʻolib boʻlgan hamyurtlarimizni muvaffaqiyatli ishtiroki bilan qutlaymiz! Matematika boʻyicha: Bronza medal: Marat Mustafin, 3-sinf, NOU Intellect Madjidbek Umarov, 5-sinf, NOU Vosiq International School Firdavs Toshtemirov, 9-sinf, 107-maktab Ramiz Zoxrabov, 6-sinf, NOU Lider Taʼlim Rauf Zoxrabov, 8-sinf, NOU Lider Taʼlim Rahmonberdiyev Muhammadamin, 6-sinf, NOU Lider Taʼlim Zafarbek Ibrohimov, 2-sinf, NOU Sehriyo Tabiiy fanlar boʻyicha (VANDA): Oltin medal: Marat Mustafin, 3-sinf, NOU Intellect Bronza medali: Rauf Zoxrabov, 8-sinf, NOU Lider Taʼlim Amirxon Xaitov, 6-sinf, NOU Lider Taʼlim Tabiiy fanlar boʻyicha guruh: Oltin medallar: Timur Fayzillayev, 6-sinf, 13, Zarafshon shahri Firdavs Toshtemirov, 9-sinf, 107-maktab Abdulla Gʻayratullayev, 8-sinf, NOU Sehriyo Ramiz Zoxrabov, 6-sinf, NOU Lider Taʼlim Kumush medallar: Muhammadamin Rahmonberdiyev, 6-sinf, NOU Lider Taʼlim Bronza medallari: Rauf Zohrabov, 8-sinf, NOU Lider Taʼlim Amirxon Xaitov, 6-sinf, NOU Lider Taʼlim
